Ministri i Punëve të Brendshme të Republikës së Serbisë, Aleksandër Vullin duke arsyetuar në parlament përdorimin e termit pezhorativ e ofendues “šiptari” kërkon që shqiptarët të jeni si Esad Pash Toptani.
Në deklarimin e tij thotë që nuk dëshiron që deputetin Shaip Kamberi ta krahasoj me Shaban Palluzhën, por me Esad Pash Toptani.
Duke mos u mjaftuar me gjuhën e urrejtjes Vulini përcakton se çfarë shqiptar e me çfarë karakteristika janë të përshtatshëm për Serbinë!.
Në fjalimin e tij, edhe kërcënon “Kush guxon të kritikoj gjykatën tonë dhe ta kërcënojnë me Strasburgun, në shtetin e pavarur dhe të lirë të Serbisë? “
Kryetari i Këshillit Shqiptar në Serbi Ragmi Mustafa, tha se është krenar që është shqiptar.
"Jam i nderuar që më është dhënë rasti të jam në mbrojtje të dinjitetit njerëzor, në veçanti të shqiptarëve të Luginës. Krenar me historinë e të gjithë heronjëve që kanë mbrojtur pragun e shtëpisë nga agresorët", tha Mustafa.
Ai i tregon Vullinit si ministër i fuqishëm në qeveri, e cili do zyrtari tjetër të lartë do ta kundërshtojmë pa kompromis institucionalizimin dhe legalizimin e gjuhës ofenduese, përçmuese e abuzuese ndaj shqiptarëve.
Sipas Mustafës Gjykata e Lartë ne Beograd, vendosi në mënyrë të paprecedentë në favorin e Vulinit.
"Ne do ta apelojmë në Gjykatën e Apelit e do të shterim të gjitha mundësitë ligjore brenda sistemit gjyqësor në Serbi. E drejtësi, pa dilemë, do të kërkojmë edhe në Gjykatën Evropiane për të drejtat e njeriut në Strasburg" tha Ragmi Mustafa.
Kryetari i KKSh-së në Serbi, shtoi se ky nuk është kërcënim, kjo është procedura për mbrojtje nga gjuha denigruese e Vulinit.
Drejtësi për të gjithë. Barazi para ligjit për të gjithë, qofsh edhe ministër në Qeverinë e Republikës së Serbisë.
© SYRI.net