Forcat tokësore turke kanë kryer një stërvitje të gjerë ditët e fundit në kufi me Greqinë duke futur në lëvizje një numër të madh tankesh.
Gjatë stërvitjes ata kanë simuluar kalimin e një lumi nga tanket e fuqishëm “Leopard2”, gjë që ka shqetësuar mjaft Greqinë, për faktin se thuajse i gjithë kufiri tokësor mes dy vendeve përbëhet nga një lum
Bëhet fjalë për lumin Evros, kalimin e të cilit turqit e simuluan gjatë stërvitjes.
Ushtria turke ka publikuar pamje të momentit të ngritjes së një ure të lëvizshme në kohë rekord dhe kalimin sipër saj të disa tankeve të rëndë.
Në vitet e fundit , Turqia ka forcuar pajisjet e saj të nevojshme ushtarake për "tejkalimin dhe kalimin e barrierave të ujit", ndërsa në intervale të rregullta kryen stërvitje me pikwn e vetme tw ndarjes kufitare me Greqinë.
"Gjatë stërvitjes, aftësitë e fortifikimit të trupave, pajisjet e tranzitit dhe aftësia e tyre për të kryer operacione të përbashkëta u testuan me sukses," komentoi një raport në TRT
Një lëvizje e tillë është parë si provokim nga Greqia, pasi i vetmi vend me të cilin Turqia ndahet me lum dhe që duhet ta kalojë në rast lufte është pikërisht shteti helen.
© SYRI.net
Miti i Mossad/ Pse frikësohen nga shërbimi sekret i Izraelit
Krim në familje, burri vret gruan dhe plagos djalin në Itali
Avokati lituanez burgoset për spiunim për Bjellorusinë
Denonco
Merrni lajmet më të fundit nga SYRI.net në çdo moment dhe kudo që të jeni!
