Mëngjesin e sotëm familja e Arif Çelajt ne fshatin Vuthaj, komuna e Gucisë u zgjua e tronditur duke parë stallën e bagëtisë të bërë shkrumb e hi. Gjithçka që gjendej brenda këtij objekti , si bagëti, ushqimi i bagëtisë, mjetet e punës etj, i shkatërruan flakët e zjarrit në tërsi.
Informacion zyrtar mbi shkaqet e zjarrit nuk ka, mirëpo dëmet për familjen Çelaj janë të konsiderueshme .
Intervenimi i zjarrfikësve ishte i menjëhershëm (posa u lajmëruan arritën te vendi i ngjarjes) megjithatë ishte e pamundur të shpëtonin bagëtinë dhe gjërat tjera materiale.
Policia në vendin e ngjarjes ka dal në orën 7-të, të mëngjesit, ndërkaq hetuesia dhe ekspertet policor në vendngjarje arritën në ora 12-të.
Për banorët e fshatit Vuthaj ndodhitë e kësaj natyre të dy viteve të fundit që nuk ishin edhe të pakëta ngrehin dyshime te shumëta edhe në organet përgjegjëse të shtetit, për mos zbulimin e asnjë rasti të krimeve të kësaj natyre.
Mos efikasiteti i policisë për rajonin e Plave Gucisë është shqetësues, deklarojnë banorët e fshatit Vuthaj.
© SYRI.net