Presidenti amerikan Joe Biden do të ngrijë tërheqjen e trupave amerikane nga bazat amerikane në Berlin me një vendim që përmbys një vendim të Donald Trump-it, gjatë qëndrimit të tij të trazuar katërvjeçar në Shtëpinë e Bardhë.
Sekretari Austin do të drejtojë planin për rishikimin e vendosjes së trupave nëpër botë dhe gjatë kësaj kohe do të ngrijë çdo rishpërndarje të trupave nga Gjermania", tha të enjten Këshilltari i Sigurisë Kombëtare i Shtëpisë së Bardhë, Jake Sullivan.
Ishte Trump që njoftoi tërheqjen e 9,500 trupave nga Gjermania - nga një total prej 34,000 të stacionuar në vend - në muajin qershor 2020 pas një grindjeje të vazhdueshme me Berlinin dhe kancelaren gjermane Angela Merkel.
Ai pretendonte se Gjermania nuk e po përmbushte angazhimin e saj për të shpenzuar para për NATO. "Ne nuk duam të jemi të zhvatur më", u tha Trump gazetarëve në atë kohë. "Po i pakësojmë trupat sepse ata nuk po e paguajnë faturën e tyre; është shumë e thjeshtë. ”
Njoftimi për ngrirjen e rishpërndarjes së trupave pason lëvizjen e Biden për të ndryshuar vendimin e Trump për ndalimin e hyrjes në SHBA nga një mori vendesh me shumicë myslimane.
© SYRI.net
Madrid, të paktën 500 emigrantë u shpëtuan pranë ishujve Kanarie
Eurodeputetët: Evropa duhet të përgjigjet, lidhur me abuzimet me emigrantët në Tunizi
Bejruti në tym, Izraeli raporton 'goditje në shënjestër'
Denonco
Merrni lajmet më të fundit nga SYRI.net në çdo moment dhe kudo që të jeni!
