Kina ka paralajmëruar se përpjekjet e Tajvanit për të kërkuar pavarësinë, "nënkuptojnë luftë". Paralajmërimi vjen disa ditë pasi Kina rriti aktivitetet e saj ushtarake dhe fluturoi me aeroplanë luftarakë pranë ishullit.
Kjo vjen gjithashtu ndërsa presidenti i ri i SHBA Joe Biden riafirmoi angazhimin e tij ndaj Tajvanit dhe përcaktoi qëndrimin e tij ndaj Azisë.
Në një reagim të enjten, SHBA i quajti deklaratat e Kinës "fatkeqe" duke shtuar se "tensionet mbi Tajvanin nuk kishin nevojë të çonin në konfrontim".
Kina e sheh Tajvanin demokratik si një provincë të shkëputur, por Tajvani e sheh veten si një shtet sovran. "Ne po u themi seriozisht atyre forcave të pavarësisë së Tajvanit: ata që luajnë me zjarrin do të digjen vetë dhe pavarësia e Tajvanit do të thotë luftë," tha zëdhënësi i Ministrisë kineze të Mbrojtjes Ëu Qian të enjten në një konferencë shtypi.
Ai gjithashtu mbrojti veprimtaritë e fundit ushtarake të Kinës duke thënë se ato ishin "veprime të nevojshme për të adresuar situatën aktuale të sigurisë në ngushticën e Tajvanit dhe për të mbrojtur sovranitetin dhe sigurinë kombëtare".
© SYRI.net
Situatë shqetësuese në Afrikë, virusi i lisë së majmunit ‘nuk është nën kontroll’
Zyrtarët amerikanë: Marrëveshja për armëpushim në Gazë nuk arrihet para përfundimit të mandatit të Presidentit Biden
'Allahu Ekber'/ Burri me thikë sulmon kalimtarët në Holandë, një njeri i vdekur
Denonco
Merrni lajmet më të fundit nga SYRI.net në çdo moment dhe kudo që të jeni!
