Një vajzë është detyruar t’i nënshtrohet një ndërhyrje kirurgjikale (15 qepje) në kokë, kur policia holandeze gjatë protestave që tash e disa ditë po zhvillohen si shenjë revolte kundër masave anti-COVID-19, e goditi me top uji – e nga presioni i madh u përplas me kokë në beton.
Pamjet e publikuara më poshtë janë filmuar në rrugët e qytetit të Eindhovenit, ku shfaq momentin kur Denisa Stastna me tërë forcën goditet me top uji dhe përplas kokën në një muri betoni.
Vajza me nacionalitet çek, përfundoi në tokë e mbuluar në gjak dhe më pas është dërguar në spital për qepje në pjesë të ndryshme të kokës. Ajo dhe i dashur i saj që ishin pjesë e protestës, mezi kanë arritur të largohen nga vendi i ngjarjes.
Por partneri i saj Michael Piksel këmbëngul se dyshja kurrë nuk kishin dalë jashtë për të përkrahur dhunën. Ai madje thotë se më shumë po i dhemb që nga autoritetet po cilësohet si huligan.
© SYRI.net