Ministrja e Parë e Skocisë Nicola Sturgeon, u akuzua për mbajtjen e anës së BE-së në ‘betejën e hidhur të vaksinave’, pasi sot u zotua të publikonte detaje të marrëveshjes së furnizimit me vaksina të Mbretërisë së Bashkuar, pavarësisht se Boris Johnson e urdhëroi që t'i mbante ato sekrete.
Në një lëvizje të jashtëzakonshme, Nicola Sturgeon rrezikoi të minonte pozicionin e Britanisë me Brukselin, që shtonte presionin mbi firmat e vaksinave anti-Covid, për t'i dhënë bllokut evropian një pjesë më të madhe të stoqeve.
Pavarësisht paralajmërimit të Kryeministrit Johnson që informacioni duhet të jetë konfidencial, zonja Sturgeon i tha Holyrood se ajo do ta publikojë marrëveshjen nga java tjetër 'pavarësisht se çfarë thonë ata'.
Deputetët Konservatorë e akuzuan zonjën Sturgeon - e cila dëshiron që Skocia të shkojë e pavarur dhe të bashkohet përsëri me bllokun evropian- për ndërhyrjen e saj, duke thënë se ajo 'është padyshim më e prirur për të ndihmuar BE-në sesa Britaninë e Madhe'.
Grindja shpërtheu ndërsa tensionet midis BE dhe Mbretërisë së Bashkuar mbi furnizimet e vaksinave u përshkallëzuan përsëri, me eurodeputetët që kërcënuan 'luftë tregtare'.
Ka pretendime që zyrtarë nga agjencia e ilaçeve janë dërguar në uzinën AstraZeneca në Belgjikë për të kontrolluar që vërtet ka probleme në prodhimin e dozave./ Dailymail/
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
