Italia ka dështuar në detyrën e saj për të mbrojtur jetën njerëzore duke shtyrë misionin shpëtimtar për anijen që u fundos në Mesdhe, ka gjetur Komiteti i OKB-së për Të Drejta të Njeriut.
Më shumë se 200 njerëz që ndodheshin në atë anije u fundosën më 11 tetor 2013 pasi iu injoruan kërkesat e vazhdueshme për ndihmë, sipas këtij komiteti që u soll para drejtësisë nga të mbijetuarit sirianë dhe palestinezë që kishin humbur më të afërmit e tyre.
Anija mbante 400 njerëz, shumë prej tyre sirianë, kur u nis nga Libia. Ajo dërgoi thirrje për ndihmë pasi ishte qëlluar nga një anije tjetër.
Sipas hetuesve, autoritetet italiane i ishin përgjigjur thirrjeve nga anija duke i referuar te autoritetet malteze. Pesë orë më vonë një anije malteze kishte mbërritur në vend-ngjarje, por kjo ishte shumë vonë, raporton The Guardian, përkthen në shqip Periskopi.
“Nëse autoritetet italiane menjëherë do të drejtonin anijet e saj pas thirrjes, do të kishte mbërritur te anija e emigrantëve dy orë para se ajo të fundosej,” tha anëtarja e komitetit Helene Tigroudja.
“Aksidenti ndodhi në ujërat ndërkombëtare brenda zonës malteze të kërkimit dhe shpëtimit por lokacioni ishte më i afërt me Italinë.”
Komiteti tha se Italia kishte detyrime në ligjin ndërkombëtar që të mbronte jetën e kujtdo që ndodhej në probleme në det dhe që të mbështeste misionet e shpëtimit.
Ky komitet i bëri thirrje shtetit italian që të zhvillonte një hetim të pavarur dhe të përndiqte penalisht këdo që ishte përgjegjës.
Më shumë se 1 mijë persona kanë vdekur ose janë zhdukur duke provuar të mbërrinin në Evropë nga Afrika e veriut në vitin 2020 dhe 480 të tjerë kanë vdekur apo janë zhdukur nga bregu perëndimor afrikan.
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
