Presidenti amerikan Joe Biden është zotuar për ta zëvendësuar flotën e veturave të qeverisë amerikane, që numëron 650 mijë sosh me modelet e reja të veturave amerikane elektrike – me qëllim që të inkurajon përdorimin e “energjisë së pastër”.
Pavarësisht kësaj, ai nuk ka dhënë një afat kohor për zëvendësimin e tyre apo edhe koston e një veprimi të tillë.
Biden tha se “elektrifikimi” i flotës amerikane, do të hapte vende të reja pune për prodhuesit amerikanë të veturave dhe do të rriste mobilizimin e investimeve publike.
“Elektrifikimi i flotës do të hapte miliona vende pune, në veçanti në fushën e energjisë së pastër. Qeveria federale ka në pronësi një flotë gjigante të veturave që do të zëvendësohen me ato të reja elektrike që do të prodhohen në Shtetet e Bashkuara nga punëtorët amerikanë”, ka shtuar Biden.
Siç raporton Reuters, ky zëvendësim mund t’i kushtojë qeverisë amerikane hiq më pak se 20 miliardë dollarë. E kjo po cilësohet si një detyrë dhe sfidë e madhe për qeverinë amerikane, pasi aktualisht përdor vetëm 3.215 vetura elektrike.
Megjithatë nuk dihet nëse në zëvendësimin e flotës së veturave, do të përfshihet edhe limuzina presidenciale e njohur si “Bisha” që prodhohet nga Cadillac.
Në vitin 2019, janë regjistruar 645 mijë vetura që janë pronë e qeverisë amerikane dhe që kanë përshkuar 4.5 miliardë milje e shpenzuar 375 milionë galonë benzinë dhe naftë. Aty përfshihen 245 mijë vetura civile, 173 mijë ushtarake dhe 225 mijë të postës.
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
