Një gjykatë në Gjenevë ka shpallur fajtor biznesmenin izraelit Beny Steinmetz për korrupsion dhe falsifikim dhe i ka shqiptuar dënimin prej pesë vjetësh burgim dhe një gjobë të konsiderueshme prej 50 milionë frangash zvicerane.
Vendimi i gjykatës pas një gjykimi dy-javor, është një goditje e madhe për tregtarin e diamanteve. Steinmetz ka deklaruar pas verdiktit se ai do të ankohet në Gjykatën e Apelit.
“Kjo është një padrejtësi e madhe”, u ka thënë gazetarëve Steinmetz pas vendimit të Gjykatës së Gjenevës.
Biznesmeni izraelit dhe dy persona të tjera ishin akuzuar se i kishin paguar ryshfet në shumë prej 10 milionë dollarësh ndërmjet viteve 2006 dhe 2010 Mamadie Touret, një nga gratë e ish-presidentit të Guinesë Lansana Conte, për të marrë lejen e eksplorimit të hekurit nën malet e Guinesë dhe për falsifikim të dokumenteve për ta mbuluar këtë veprimtari.
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
