Presidenti i zgjedhur i SHBA-ve, Joe Biden ka reaguar pas votimit që kongresi i bëri akuzave të Donald Trump
Në një status në Facebook, Biden shkruan procesi vazhdon në Senat, duke shpresuar që institucionet të marrin përgjegjësitë e tyre.
“Sot, në një votim dypartiak, Dhoma votoi për fajësimin dhe mbajtjen e përgjegjësive të zotit Trump. Tani, procesi vazhdon deri në Senat – dhe shpresoj se ata do të merren me përgjegjësitë e tyre Kushtetuese për fajësimin”, shkruan Biden.
Kujtojmë se, Dhoma e Përfaqësuesve e SHBA-së votoi për fajësimin (impiçmentin) ndaj presidentit Donald Trump me një nen të vetëm, nxitje të kryengritjes, duke e bërë atë presidentin e parë në historinë e vendit i cili fajësohet për herë të dytë në shtëpinë ligjvënëse.
Me 232 vota pro dhe 197 kundër, votimi tani e dërgon çështjen në Senat për një gjyq që pritet të fillojë jo më parë se 19 janari.
Një vendim historik, ku përfaqësuesve demokratë u janë bashkuar të paktën 10 ligjvënës republikanë.
© SYRI.net