Ekonomia e Gjermanisë u tkurr për 5 për qind gjatë vitit të kaluar. Rënia ishte më e vogël sesa pritej falë masave të fuqishme ndihmëse të qeverisë, të cilat e kufizuan ndikimin e pandemisë në ekonomi, tha Zyra e Statistikave.
Rënia e vlerës së prodhimit vendor ishte pak më e vogël se parashikimi i agjencisë Reuters prej 5.1 për qind dhe më e vogël se rënia rekorde prej 5.7 për qind në vitin 2009 gjatë krizës financiare globale.
Koalicioni qeveritar i kancelares Angela Merkel që nga marsi i vitit të kaluar ka marrë masa të jashtëzakonshme për rimëkëmbje ekonomike, shkruan Reuters, transmeton Gazeta Express.
Konsumi privat ra për 6 për qind në krahasim me vitin paraprak, ndërsa rënie u shënua edhe në investimet e kompanive në pajisje
Zyra e Statistikave njoftoi se eksportet ranë për 10 për qind, ndërsa importet për 8.6 për qind. Kjo lë të kuptohet se raporti pozitiv tregtar i ekonomisë më të fuqishme në Evropë është ngushtuar për shkak të pandemisë.
Shifra pozitive pati vetëm sa u përket shpenzimeve qeveritare, të cilat u rritën për 3.4 për qind, dhe sektori i ndërtimtarisë, ku investimet u shtuan për 1.5 për qind.
© SYRI.net
Ekspertët e OKB-së dënojnë mbështetjen perëndimore për Izraelin që nga lufta e Gazës
Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
Qëndrimet e kandidatëve Trump-Harris për Iranin
Denonco
Merrni lajmet më të fundit nga SYRI.net në çdo moment dhe kudo që të jeni!
