Policia anti-terror e Francës arrestoi të martën shtatë persona të dyshuar për komunikim nëpërmjet mediave sociale me vrasësin e mësuesit të shkollës Samuel Paty, prerja e kokës së të cilit vitin e kaluar rihapi debatin rreth lirisë së shprehjes në Francë, tha një zyrtar i gjykatës.
Paty, 47 vjeç, u vra më 16 tetor jashtë shkollës së tij në rajonin e Parisit pasi tregoi karikaturat e Profetit Muhamed gjatë një debati në klasë mbi të drejtën e shprehjes.
Vrasësi i tij, i identifikuar nga autoritetet si Abdoullakh Anzorov, më vonë u qëllua për vdekje nga policia. Anzorov, një refugjat 18-vjeçar me origjinë çeçene i cili ishte radikalizuar, sipas autoriteteve, mori përgjegjësinë për vrasjen në një mesazh të gjetur në telefonin e tij që shoqërohej nga një fotografi e mësuesit.
Shtatë personat e arrestuar të martën në rajonin e Parisit si dhe në qytetet Lyon dhe Toulouse, janë kontakte që dyshohet se kishin lidhje me vrasësin Anzorov, tha zyrtari.
Zyrtari nuk qe i autorizuar të diskutonte publikisht detajet e hetimit dhe foli në kushte anonimiteti.
Të dyshuarit do të merren në pyetje fillimisht nga hetuesit e anti-terrorizmit deri në 96 orë.
Një total prej 14 personash deri tani duke u hetuar zyrtarisht dhe përballen me akuza paraprake të lidhura me terrorizmin dhe vrasjen.
Vrasja e mësuesit Paty ndezi një furi zemërimi që e shtyu Presidentin Emmanuel Macron të godiste ekstremizmin dhe dhunën islamike në një vend që u ngrit nga një valë sulmesh xhihadiste që nga viti 2015 që kanë vrarë më shumë se 250 njerëz.
Shtatëmbëdhjetë njerëz u vranë gjatë tre ditëve të sulmeve në janar 2015, duke filluar me masakrën e 12 personave në javën satirike Charlie Hebdo, e cila kishte botuar karikaturat e Profetit Muhamed.
Sulmi u pasua nga vrasja e një gruaje police franceze dhe një pengmarrje në një supermarket hebre, në të cilin katër njerëz të tjerë u vranë.
Më vonë atë vit, më 13 nëntor 2015, një skuadër vrasësish xhihadistë kryen mizorinë më vdekjeprurëse të Francës në kohë paqeje, duke sulmuar stadiumin, baret dhe restorantet e Stade de France në Parisin qendror dhe sallën e koncertit Bataclan, duke vrarë 130 njerëz.
Në shtator të vitit 2020, dy persona u sulmuan jashtë ish-zyrave të javës satirike.
Më pak se dy javë pas vrasjes së Paty, tre njerëz u vranë kur një tunizian i ri mbërriti kohët e fundit në Evrop, me thika në një kishë në qytetin mesdhetar të Nisës.
Macron u zotua se Franca kurrë nuk do të hiqte dorë nga vlerat e Iluminizmit. Ai e cilësoi mësuesin e vrarë si një "hero" për përfaqësimin e vlerave laike, të mendimit të lirë të republikës franceze.
"Ai u vra sepse islamikët duan të na marrin të ardhmen," tha Macron në një ceremoni përkujtimore për Paty. "Ata nuk do ta kenë kurrë atë".
Franca ka një traditë të gjatë të karikaturave duke përfshirë autoritete politike dhe fetare, edhe talljen e shfrenuar të Charlie Hebdo me katolicizmin dhe partinë e së djathtës ekstreme të Marine Le Pen.
Kryeministri Jean Castex njoftoi në 9 dhjetor një projektligj të ri për të trajtuar shkaqet kryesore të terrorizmit. Ai nënvizoi se teksti nuk shënjestron lirinë fetare por "ideologjinë e poshtër të islamizmit radikal".
Castex e përshkroi projektligjin e propozuar si "një ligj të lirisë, të mbrojtjes dhe emancipimit përballë fondamentalizmit fetar".
Legjislacioni i propozuar do ta bënte më të lehtë ndalimin e xhamive për të marrë financime të huaja dhe gjithashtu do t'u ofronte mbrojtje drejtuesve të moderuar të komunitetit të cilët rrezikojnë të rrëzohen nga një "puç" ekstremist.
Projektligji propozon gjithashtu kritere më të rrepta për autorizimin e shkollimit në shtëpi të fëmijëve mbi tre vjeç për të parandaluar prindërit t’i merrnin fëmijët e tyre nga shkollat ??publike dhe t'i regjistronin në strukturat islamike të paligjshme.
Mjekët, ndërkohë, do të gjobiten ose burgosen nëse kryejnë një test të virgjërisë tek vajzat.
Ligji i ri do të ndalojë gjithashtu autoritetet të lëshojnë letra qëndrimi për aplikantët poligamë.
"Me atë që ka ndodhur në Francë gjatë viteve të fundit dhe më shumë kohët e fundit, qeveria thjesht nuk mund të rri duarkryq dhe ta lejojë këtë të ndodhë; duhet të marrë disa masa radikale për të ndaluar që kjo të vazhdojë dhe përkeqësohet ", tha redaktori i çështjeve ndërkombëtare të France 24, Philip Turle.
© SYRI.net
Ekspertët e OKB-së dënojnë mbështetjen perëndimore për Izraelin që nga lufta e Gazës
Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
Qëndrimet e kandidatëve Trump-Harris për Iranin
Denonco
Merrni lajmet më të fundit nga SYRI.net në çdo moment dhe kudo që të jeni!
