Gjykata e Lartë e SHBA-së i dha dritën jeshile Departamentit të Drejtësisë për të kryer ekzekutimin e parë të një të dënuare me vdekje në gati shtatëdhjetë vjet.
Menjëherë pas vendimit, Zyra Federale e Burgjeve ekzekutoi Lisa Montgomery, duke revokuar pezullimin e përkohshëm të vendosur disa ditë më parë.
Montgomery u dënua me vdekje në vitin 2007 për grabitjen dhe mbytjen e Bobbie Jo Stinnet në vitin 2004, e cila në atë kohë ishte 8-muajshe shtatzënë. Më pas, Montgomery donte të grabiste edhe foshnjën, që fatmirësisht i mbijetoi sulmit dhe sot, është 16 vjeç dhe jeton me të atin.
Avokatët e 52-vjeçares thanë se abuzimi seksual që ajo ka pësuar në fëmijëri e çoi në dëmtim të trurit dhe sëmundje të rëndë mendore.
Sipas të dhënave të Byrosë së Burgjeve në SHBA, gruaja e fundit e ekzekutuar nga qeveria amerikane ishte Bonnie Broën Heady, më 18 dhjetor 1953, e cila u dënua po ashtu për rrëmbim dhe vrasje.
© SYRI.net
Ekspertët e OKB-së dënojnë mbështetjen perëndimore për Izraelin që nga lufta e Gazës
Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
Qëndrimet e kandidatëve Trump-Harris për Iranin
Denonco
Merrni lajmet më të fundit nga SYRI.net në çdo moment dhe kudo që të jeni!
