Dickinson, Texas - Gara për të qenë kryebashkiaku i një periferie të Hjustonit përfundoi këtë javë, pasi fituesi u zgjodh kur u tërhoq një gogël me emrin e tij, futur brenda në një kapele.
Sean Skipworth dhe Jennifer Lawrence po garonin të ishin kryetarët e ardhshëm në Dickinson, por secili mori nga 1,010 vota pas zgjedhjeve në balotazh muajin e kaluar dhe një rinumërimi në fillim të kësaj jave.
Sipas ligjit të Teksasit, barazimi në një garë për postet publike mund të zgjidhet duke hedhur short.
Kështu, Skipworth u bë kryebashkiak pasi emri doli nga gogla gjatë një ceremonie të enjten që zgjati rreth 10 minuta, njoftoi Galveston County Daily News.
"Unë thjesht i falënderoj të gjithë që dolën dhe votuan", tha Skipworth pasi u bë kryebashkiak. "Fjalë për fjalë, çdo vote u llogarit."
© SYRI.net