Pas dhjetëra orësh kërkime, autoritetet në Indonezi mundën të identifikojnë vendndodhjen e një avioni pasagjerësh i cili humbi lidhjet me pikën e kontrollit.
Një anije ushtarake kapi sinjalet e avionit, i cili kishte 62 persona në bord dhe që qe nisur të shtunën nga Xhakarta me destinacion Pontianakun, kryeqytetin e një province të Indonezisë në ishullin Borneo – rreth 90 minuta larg me fluturim.
Avioni humbi komunikimin me qendrën e fluturimeve rreth 4 minuta pasi qe nisur nga aeroporti i Xhakartës.
Fillimisht nisja qe shtyrë me rreth një orë e më pas gjithçka kishte vijuar normalisht, mirëpo pas nisjes në orën 7:36 gjërat nuk shkuan mirë.
Në bord kishte 50 pasagjerë dhe 12 anëtarë të ekuipazhit, që të gjithë të kombësisë indoneziane.
Ratih Windania që bënte pjesë në avionin e rrëzuar postoi foton e fundit të realizuar me dy fëmijë të saj në rrjete sociale.
Motra e saj është shprehur se Raith dhe fëmijët e saj hypën në avionin nga Xhakarta për t’u kthyer në Pontianak në West Kalimantan Islan pas një pushimi tre javor.
© SYRI.net