‘Save America March’/ Trump: Nuk do dorëzohem! Ja çfarë duhet të bëjë Pence që un të jem President

19:30, 06/01/2021

Këtë të mërkurë, Presidenti Trump tha se ai "nuk do të dorëzohet kurrë" dhe "kurrë nuk do të pranojë" zgjedhjet presidenciale të vitit 2020.

Trump u zotua të "ndalojë vjedhjen" duke i treguar rrugën Zëvendës Presidentit Pence, për të "bërë gjënë e duhur" dhe për të vonuar çertifikimin e rezultateve të zgjedhjeve.

Presidenti foli në tubimin "Save America March" në Uashington, D.C., përpara një seance të përbashkët të Kongresit për të vërtetuar rezultatet e zgjedhjeve presidenciale të vitit 2020.

"Ne nuk duam të shohim fitoren tonë në zgjedhje e vjedhura nga Demokratët e majtë radikalë të mbështetur nga mediat e lajmeve të rreme, kjo është ajo që ata po bëjnë”, tha Trump.

"Ne kurrë nuk do të dorëzohemi dhe kurrë nuk do të pranojmë, ne do të ndalojmë vjedhjen", u shpreh Trump.  

Mike Pence është vendosur të kryesojë seancën e përbashkët të mërkurën.

"Ne duhet të mbrojmë vendin tonë dhe të mbështesim Kushtetutën tonë," tha Trump. "Shtetet duan të rishikojnë rezultatet. Shtetet u mashtruan, atyre iu dha informacion i rremë”.

Gjithashtu Trump shtoi se: Gjithçka që Pence duhet të bëjë është ta dërgojë përsëri cështjen e votimit në shtetet e lëkundura... dhe ne bëhemi president dhe ju jeni njerëzit më të lumtur."/ FoxNews/

© SYRI.net

Lexo edhe:

• Ekspertët e OKB-së dënojnë mbështetjen perëndimore për Izraelin që nga lufta e Gazës
• Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
• Qëndrimet e kandidatëve Trump-Harris për Iranin