Sanaa - I paralizuar dhe i kequshqyer në gjendjen më të rëndë, shtatëvjeçari Faid Samim qëndron i shtrirë në një shtrat spitali në kryeqytetin e Jemenit, Sanaa, pasi mezi i mbijetoi udhëtimir atje.
“Ai ishte pothuajse i vdekur kur mbërriti, por falë Zotit ne qemë në gjendje të bënim atë që ishte e nevojshme dhe ai filloi të përmirësohej. Ai po vuan nga paraliza cerebrale dhe kequshqyerje e rëndë ”, tha Rageh Mohammed, mjeku mbikëqyrës i repartit të kequshqyerjes në spitalin Al-Sabeen.
Faid peshon vetëm 7 kg dhe eshtrat e tij të vogla dhe të brishta mezi zënë një të katërtën e batanijes së palosur të spitalit.
Familjes së tij iu desh të udhëtonte nga Al-Jaëf, 170 km në veri të Sanaa, përmes pikave të kontrollit dhe rrugëve të dëmtuara, për ta çuar në spital.
Në pamundësi për të përballuar mjekimin ose trajtimin e Faid, familja mbështetet në donacione për ta kuruar atë.
Dr. Mohammed thotë se rastet e kequshqyerjes janë në rritje dhe prindërit e varfër janë të detyruar të mbështeten te mirësia e të huajve ose ndihma ndërkombëtare për të trajtuar fëmijët e tyre.
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
