Mbrëmjen e sotme, Departamenti i Tregtisë i Mbretërisë së Bashkuar ka njoftuar se Britania dhe Turqia janë të vendosura për të nënshkruar një marrëveshje të tregtisë së lirë ditën e martë.
Kjo do të jetë marrëveshja e parë, pas asaj që kryeministri Boris Johnson siguroi me Bashkimin Evropian javën e kaluar.
Marrëveshja midis Britanisë dhe Turqisë riprodhon rregullat aktuale që rregullojnë marrëdhëniet tregtare Ankara-Londër, por Ministrja Liz Tras u duk optimiste se një marrëveshje e veçantë do të arrihej së shpejti midis tyre.
“Marrëveshja që ne presim të nënshkruajmë këtë javë do të jetë thelbësore në marrëveshjet e tregtisë pa taksa dhe do të ndihmojë marrëdhënien tonë tregtare. Do të ofrojë siguri për mijëra vende pune në Mbnretërinë e Bashkuar, prodhim, industri automobilistike dhe industri çeliku. Ne shpresojmë të punojmë me Turqinë në një marrëveshje ambicioze, të personalizuar në të ardhmen”, shtoi ajo.
Kjo marrëveshje është e pesta për nga rëndësia që Londra ka negociuar, pas atyre me Japoninë, Kanadanë, Zvicrën dhe Norvegjinë. Në total, Britania ka lidhur marrëveshje tregtare me 62 vende.
© SYRI.net
Situatë shqetësuese në Afrikë, virusi i lisë së majmunit ‘nuk është nën kontroll’
Zyrtarët amerikanë: Marrëveshja për armëpushim në Gazë nuk arrihet para përfundimit të mandatit të Presidentit Biden
'Allahu Ekber'/ Burri me thikë sulmon kalimtarët në Holandë, një njeri i vdekur
Denonco
Merrni lajmet më të fundit nga SYRI.net në çdo moment dhe kudo që të jeni!
