Pas këshillës së mjekut i cili e ka vizituar së fundmi, Presidenti i Malit të Zi, Milo Gjukanoviç, po trajtohet për pneumoni, raporton Tanjug.
Kreu i shtetit malazes i është nënshtruar disa testeve pas dyshimeve për Covid-19, në të cilat ka rezultuar negativ.
Lajmi është konfirmuar nga kabineti i Presidentit të Malit të Zi.
“Testet e deritanishme, përfshirë edhe ditët e sotme, kanë treguar se është negativ për covid 19”, thuhet në njoftim.
“Të gjithë parametrat jetësorë të Gjukanoviç janë të qëndrueshëm dhe ai kryen detyrat presidenciale pa pengesa”, vijon njoftimi.
© SYRI.net