Britania ka çelur një kapitull të ri në marrëdhëniet e saj me pjesën tjetër të Evropës me Boris Johnsonin që u zotua se vendi i tij do të mund Bashkimin Evropian në garën për sukses ekonomik.
Pas nëntë muajsh bisedimesh gjarpëruese, një marrëveshje e Brexitit u sigurua në natën e Krishtlindjeve, duke shmangur një dalje nga BE-ja të Britanisë.
Ambasadorët e BE-së do të takohen sot për raportim me kryenegociatorin e tyre, Michel Barnierin, dhe pritet t’i kenë në dispozicion dy deri në tri ditë për të analizuar marrëveshjen dhe për të vendosur për zbatueshmërinë provizionale, raporton BBC.
Në Britani, euroskeptikët po presin verdiktin me konkluzionet që pritet të publikohen të hënën në mëngjes.
Marrëveshja u prit me “lehtësim të ngjyrosur me pak trishtim” në Bruksel. Por është thënë nga kryeministri Johnson se është një marrëveshje që pritet të vendos një herë e mirë relacionin e Britanisë me Evropën, 48 vjet pasi ky shtet iu bashkua komunitetit ekonomik Evropian (siç njihej asokohe).
“Kjo pyetje evropiane është shtruar me dekada të tëra. Mendoj se kjo na jep neve një platformë, themelet e një marrëdhënieje tamam të re prosperuese. “ – tha Johnson.
Marrëveshja përmbushte premtimin e një “zona gjigante të tregtisë së lirë”, të karakterizuar nga “kompeticioni rregullator”, tha Johnsoni. “Kemi marrë në dorë ligjet dhe fatin tonë.”
© SYRI.net
Kryeministri britanik vizitë në Dublin, në fokus përpjekjet për të forcuar marrëdhëniet mes dy vendeve
'Njëri kërkon ashpërsimin e ligjeve, tjetri premton heqjen e kufizimeve', VOA: Harris dhe Trump me qasje të ndryshme mbi shitjet e armëve
Erdogani bën thirrje për aleancë islamike kundër Izraelit
Denonco
Merrni lajmet më të fundit nga SYRI.net në çdo moment dhe kudo që të jeni!
