Presidenti i SHBA-ve, Donald Trump, ka vendosur veto ndaj Aktit të Autorizimit të Mbrojtjes Kombëtare,ndërsa projekt-ligji përsëri do të kthehet në Kongres.
Projekt-ligji kaloi të dy dhomat e Kongresit në fillim të këtij muaji.
Më 11 dhjetor, një votim 84-13 nga Senati me 100 vende dërgoi projekt-ligjin prej 731 miliardë dollarësh në tryezën e presidentit, pasi më herët në fillim të muajit kaloi Dhomën e Përfaqësuesve, me çka siguroi një shumicë pa të drejtë vetoje në të dy dhomat.
Në një njoftim për media, presidenti amerikan tha se projekt-ligji nuk përfshin "masa kritike të sigurisë kombëtare dhe përfshin dispozita që nuk respektojnë veteranët dhe historinë ushtarake të vendit, si dhe është në kundërshtim "me përpjekjet e administratës së tij për ta vendosur Amerikën të parën në sigurinë kombëtare dhe politikën e jashtme".
"Është një dhuratë për Kinën dhe Rusinë", tha Trump.
Ai tha se projekt-ligji dështon të bëjë ndonjë ndryshim domethënës në Seksionin 230 të Aktit të Mirësisë së Komunikimeve, të cilin ai e akuzoi për përhapjen e dezinformimit në internet dhe se duhet të shfuqizohet.
Çështje të tjera në projekt-ligj janë riemërtimi i disa instalimeve ushtarake dhe sipas presidentit Trump, ligji kufizon "aftësinë e presidentit për të ruajtur sigurinë e kombit duke kufizuar në mënyrë arbitrare sasinë e fondeve të ndërtimit ushtarakisht që mund të përdoren për t'iu përgjigjur një emergjence kombëtare".
Senatori demokrat, Mark Warner, i cili është nënkryetar i Komitetit të Inteligjencës së Senatit, e quajti veton e presidentit "të paarsyeshëm".
"Vendimi i presidentit për të vënë veton në këtë legjislacion dypartiak gjatë daljes nga dera përbën një kërcënim serioz për sigurinë kombëtare të SHBA-ve", tha Warner në një njoftim.
© SYRI.net
Kryeministri britanik vizitë në Dublin, në fokus përpjekjet për të forcuar marrëdhëniet mes dy vendeve
'Njëri kërkon ashpërsimin e ligjeve, tjetri premton heqjen e kufizimeve', VOA: Harris dhe Trump me qasje të ndryshme mbi shitjet e armëve
Erdogani bën thirrje për aleancë islamike kundër Izraelit
Denonco
Merrni lajmet më të fundit nga SYRI.net në çdo moment dhe kudo që të jeni!
