27 vendet e bllokut kanë gjetur dakordësinë për krijimin e Fondit Evropian të Mbrojtjes.
Fondi ka një buxhet prej rreth 7.96 miliardë eurosh dhe do të përdoren për një periudhë 6 vjeçare dhe paratë do të shkojnë për hulumtime dhe përparimin e mbrojtjes së bllokut.
Bashkimi Evropian ka njoftuar se 27 vendet anëtare do të krijojnë për herë të parë një fond për të mbështetur programet e hulumtimit dhe zhvillimit të mbrojtjes së bllokut si dhe për të rritur efikasitetin e inovacionin në sferën ushtarake.
Sipas një deklarate të Këshillit Evropian, Fondi Evropian i Mbrojtjes ka një vlerë prej rreth 7.95 miliardë eurosh dhe do të shtrihet për një periudhë 6 vjeçare, nga 2021 deri në 2027.
Rreth një e treta e parave do të përdoren në projekte kërkimore ndërsa pjesa tjetër e fondeve do të shkojë për zhvillimin e teknologjive në fushën e mbrojtjes.
Këshilli I Presidencës gjermane tha të hënën se kishte arritur një marrëveshje të përkohshme politike me përfaqësuesit e Parlamentit Evropian mbi Fondin Evropian të Mbrojtjes.
Fondi pritet t'i japë gjithashtu BE-së instrumente më të mira financiare dhe legjislative për të promovuar ‘aftësinë konkurruese, efikasitetin dhe inovacionin e bazës së saj mbrojtëse, teknologjike dhe industriale’.
© SYRI.net
Holandë, sulmi me thikë në Roterdam, prokuroria: Mund të ketë motive terroriste
Miti i Mossad/ Pse frikësohen nga shërbimi sekret i Izraelit
Krim në familje, burri vret gruan dhe plagos djalin në Itali
Denonco
Merrni lajmet më të fundit nga SYRI.net në çdo moment dhe kudo që të jeni!
