Italia do të nisë në janar vaksinimin e popullsisë me vaksinën kundër coronavirusit dhe ka propozuar që vaksinimi të nisë në të njëjtën ditë për gjithë Evropën.
Lajmi është dhënë nga Ministri i Shëndetësisë Roberto Speranza, i cili ka shtuar se vaksinimi do të jetë vullnetar dhe i sigurt, me kulmin në pranverë e verë.
Përtej shpresës, ministri italian shprehu edhe shqetësimin për një përhapje të gjerë të virusit gjatë festave të fundvitit.
‘Jam i shqetësuar për dy javët e festave. Nuk është se nga janari e shkurti do t’i zgjidhim të gjitha problemet dhe duhet ta fiksojmë në mendje që gjatë kësaj periudhe të kemi sjelljen e duhur dhe prandaj po bëjmë edhe thirrje që gjatë festave të jemi shumë të vëmendshëm, sepse qarkullimi viral mund të forcohet kur ndryshojnë sjelljet e bëhen të tilla që favorizojnë rinisjen e qarkullimit’, tha ministri, emri i të cilit në italisht do të thotë pikërisht shpresë.
Lajm inkurajues jep edhe drejtori i Institutit të Lartë të Shëndetësisë, Silvio Brusaferro, i cili thotë se ‘numri i rasteve të reja është ende sinjifikativ, ndonëse kurba është në zbritje, në Itali dhe Evropë’.
© SYRI.net
Kryeministri britanik vizitë në Dublin, në fokus përpjekjet për të forcuar marrëdhëniet mes dy vendeve
'Njëri kërkon ashpërsimin e ligjeve, tjetri premton heqjen e kufizimeve', VOA: Harris dhe Trump me qasje të ndryshme mbi shitjet e armëve
Erdogani bën thirrje për aleancë islamike kundër Izraelit
Denonco
Merrni lajmet më të fundit nga SYRI.net në çdo moment dhe kudo që të jeni!
