Piloti legjendar i aviacionit amerikan Chuck Yeager, i pari që theu barrierën e zërit, ka ndërruar jetë në moshën 97-vjeçare. Njoftimi për vdekjen u bë nga gruaja e tij Victoria, në profilin e Tëitter-it të ish-pilotit.
“Me hidhërim të thellë – tha ajo – duhet t’ju them se dashuria e jetës sime, gjenerali Chuck Yeager, vdiq pak para orës 21:00. "Ishte një jetë mahnitëse. Ai ishte piloti më i madh amerikan, forca, aventurizmi dhe patriotizmi i të cilit do të kujtohet përgjithmonë ", shkroi gruaja e tij.
Para se të fitonte famë botërore, ai ishte gjithashtu një pilot luftarak në Luftën e Dytë Botërore, dhe gjatë karrierës së tij ai u bë piloti më i dekoruar Amerikan në histori. Për herë të fundit ai theu barrierën e zërit si 89-vjeçar, në 2012.
Yeager, në komandën e Bell X-1, theu murin e zërit më 14 tetor 1947, duke arritur 1,299 km/h. Sapo ndërmarrja sekrete doli në shtyp, Yeager u bë një yll në kopertinën e “Time”.
© SYRI.net
Madrid, të paktën 500 emigrantë u shpëtuan pranë ishujve Kanarie
Eurodeputetët: Evropa duhet të përgjigjet, lidhur me abuzimet me emigrantët në Tunizi
Bejruti në tym, Izraeli raporton 'goditje në shënjestër'
Denonco
Merrni lajmet më të fundit nga SYRI.net në çdo moment dhe kudo që të jeni!
