Presidenti i zgjedhur i SHBA-së, Joe Biden deklaroi se posedimi i bombës bërthamore nga Irani do të inkurajojë Arabinë Saudite, Turqinë dhe Egjiptin për armë bërthamore.
Biden në një intervistë për gazetën "New York Times", shpjegoi planet e tij për politikën e brendshme dhe të jashtme.
Ai tha se aftësia e tij për të zbatuar politikat varet nga mënyra se si do të veprojnë republikanët në Senat dhe Dhoma e Përfaqësuesve, duke shtuar se prioriteti i tij pa pritur të marrë detyrën do të jetë sigurimi i miratimit të ligjit të paketës së ndihmës ekonomike në Kongresin e SHBA-së.
Biden njoftoi edhe kthimin e tyre në marrëveshjen nukleare të Iranit nga e cila administrata e Donald Trumpit ishte tërhequr, por se kjo do të jetë e vështirë.
Ai tërhoqi vëmendjen në raketa sensitive që e destabilizojnë rajonin. "Posedimi i bombës bërthamore nga Irani do të krijojë një presion të jashtëzakonshëm ndaj Arabisë Saudite, Turqisë dhe Egjiptit për të poseduar armë bërthamore dhe gjëja e fundit që kemi nevojë në atë rajon është akumulimi i kapacitetit bërthamor", potencoi presidenti i zgjedhur amerikan.
"SHBA posedon opsionin që t'i rikthejë sanksionet. Irani është i vetëdijshëm për këtë", tha Biden.
Biden, ndër të tjerat theksoi se nuk do të heqë menjëherë tarifat doganore prej 25 për qind ndaj Kinës që e zbatonte administrata e Trumpit.
© SYRI.net