Ministri izraelit i Mbrojtjes, Benny Gantz, ka deklaruar se aleanca e tij politike "Kaltër dhe Bardhë" do të votojë në favor të projekt-ligjit të opozitës për shpërndarjen e parlamentit izraelit (Knesset), një lëvizje që mund t'u hap rrugën zgjedhjeve të reja.
Në një konferencë për media, Gantz tha se ai do të mbështesë mocionin e propozuar nga Yair Lapid, kreu i partisë opozitare Yesh Atid.
Partia e ministrit Gantz është partner kryesor në koalicionin qeveritar të udhëhequr nga partia Likud e kryeministrit Benjamin Netanyahu.
Aleanca u formua në muajin maj pas tre zgjedhjeve të mbajtura që nga prilli i vitit 2019, për shkak se në këto zgjedhje nuk u arrit një fitues i qartë.
Ata u pajtuan të udhëheqin qeverinë mbi një bazë rotacioni, respektivisht nga 18 muaj secili. Megjithatë, midis çështjeve të tjera ka pasur dallime edhe në lidhje me buxhetin.
Para njoftimit të ministrit Gantz, kryeministri Netanyahu në një video të postuar në llogarinë e tij në twitter kërkoi nga Gantz të kthente prapa vendimin e tij.
"Nuk është koha për zgjedhje. Tani është koha për unitet", tha Netanyahu.
Opozitari Lapid në vazhdimësi ka kërkuar mbështetje nga Gantz për të shpërbërë koalicionin e tij me kryeministrin Netanyahu, duke e akuzuar këtë të fundit për korrupsion dhe keqmenaxhim të ekonomisë.
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
