Ligjvënësit në Tajvan janë përplasur mes njëri tjetrit mbi projektligjin e lehtësimit e importit të mishit të derrit nga SHBA-ja.
Ata thonë se një vendim i fundit i qeverisë për të lejuar importin e mishit të derrit amerikan që përmban ractopamine një substancë e ndaluar në BE dhe Tajvan është një kërcënim shëndetësor.
Partia në pushtet e mohon akuzën dhe bëri thirrje për një kthim në debatin racional.
Nuk është e pazakontë që përleshjet të shpërthejnë në parlamentin e Tajvanit.
Ligjvënësit nga partia kryesore e opozitës së Tajvanit Kuomintang (KMT) hodhën kova me zorrë derri drejt Kryeministrit Su Tseng-chang.
Mes ligjvënësve të KMT dhe Chen Po-wei nga Partia e vogël e Ndërtimit të Shtetit të Tajvanit kishte edhe përleshje fizike, sipas agjensisë Reuters.
Fundjavën e kaluar në demonstratat vjetore të "Luftës së Vjeshtës", protestuesit mbajtën lart një derr gjigand të fryrë në kundërshtim me importet.
© SYRI.net