Mijëra njerëz në rajonin Primorye të Rusisë në Lindjen e largët mbetën pa ngrohje dhe energji elektrike të mërkurën ndërsa autoritetet lokale dhe shërbimet e urgjencës luftuan me pasojat e stuhisë së të akullt që goditi rajonin javën e kaluar.
Ministria e Energjisë së Rusisë njoftoi se mijëra banorë të Primorye ishin ende pa energji elektrike dhe se 3.300 njerëz në Vladivostok, kryeqyteti i rajonit, ishin ende pa ngrohje.
Rajoni u godit nga stuhia e akullt më 18 nëntor, kurse mijëra banorë të saj u zgjuan të nesërmen në apartamente të errëta dhe të ftohta. Shtresa të trasha akulli mbuluan pemët, makinat, rrugët dhe linjat elektrike, shumë prej të cilave u shembën për shkak të peshës.
"Rajoni ynë nuk është goditur nga një stuhi e tillë për 30 vjet", tha Oleg Kozhemyako, guvernatori i Primorye, në faqen e tij në Instagram.
Stuhia e akullit zgjati për disa ditë. Sipas faqes në internet të qeverisë rajonale, gati 180 mijë njerëz në Primorye nuk kishin energji elektrike, ngrohje ose ujë.
Duke komentuar situatën, zëdhënësi i Kremlinit, Dmitry Peskov të hënën tha se stuhia e akullit ishte jashtëzakonisht e fortë dhe "shkaktoi dëme të mëdha në infrastrukturën urbane".
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
