Irani dhe Shtetet e Bashkuara të Amerikës mund të kthehen lehtësisht në raportet që ekzistonin përpara zgjedhjes së Donald Trump si president.
Këtë e ka thënë presidenti Iranian, Hassan Rouhani, i cili shtoi se pret që marrëdhëniet mes vendeve të jenë të njëjta si në kohën e administratës së Barack Obamës, e cila firmosi marrëveshjen bërthamore me Teheranin. Megjithatë ai kërkoi një kompensim për politikat e gabuara të Trump.
“Shpresojmë që administrata e ardhshme e SHBA-ve, si hap i parë, të dënojë kategorikisht politikat e Trump ndaj Iranit. Politikat që shkelnin të drejtat e njeriut dhe politikat që ishin akte terrorizmi, këto duhet të dënohen. Qeveria e re e SHBA-ve do të duhet të kompensojë politikat e këqija që u miratuan gjatë katër viteve të fundit nga administrata e mëparshme.”, tha Rouhani.
Ai pati edhe një koment të drejtëpërdrejtë për Trump.
“Falë Zotit ky mallkim po përfundon për popujt e Lindjes së Mesme dhe atë amerikan gjithashtu.”
Fitorja e Joe Biden në zgjedhjet presidenciale, ka rritur mundësitë që Shtetet e Bashkuara t’i ribashkohen marrëveshjes mes Iranit dhe fuqive të mëdha të 2015-ës, nga e cila u hoqën sanksionet në këmbim të kontrollit ndërkombëtar të programit bërthamor të Teheranit. Tump e braktisi ujdinë në 2018-ën, duke bërë Irani të rikthehet në politikat e vjetra.
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
