Kontrolle dhe arrestime nga Policia gjermane për vjedhjen e thesarit të Augustit të Saksonisë

09:59, 17/11/2020

Berlin - Më shumë se 1,500 policë kryen një seri kërkimesh në Berlin dhe arrestuan dy persona në një operacion masiv të lidhur me vjedhjen spektakolare të bizhuterive të shekullit të 18-të nga një koleksion unik në Dresden nëntorin e kaluar, thanë autoritetet të martën.

Operacioni u koordinua nga policia dhe prokurorët në Dresden, që hetojnë vjedhjen më 25 nëntor 2019, të një karfice të madhe diamanti, një epauletë diamanti dhe thesare të tjerë nga Muzeu Green Vault në Saksoni.

Një total prej 1,638 oficerësh policie nga Saksonia, Berlini dhe disa shtete të tjera, si dhe forcat speciale federale të policisë, kontrolluan gjithsej 18 vende, përfshirë 10 apartamente dhe gjithashtu garazhe dhe automjete.

Synimi i tyre ishin "thesaret e artit dhe provat e mundshme”  thanë policia dhe prokurorët e Dresdenit.

Fokusi ishte në distriktin Neukoelln të Berlinit, thanë ata.

Tre persona, të identifikuar vetëm si shtetas gjermanë, u arrestuan nën dyshimin për grabitje të organizuar dhe zjarrvënie.

Green Vault është një nga muzetë më të vjetër në botë. Ai u krijua në 1723 dhe përmban thesarin e Augustit të Fortë të Saksonisë me rreth 4,000 objekte prej ari, gurësh të çmuar dhe materialesh të tjera.

Menjëherë pas vjedhjes, autoritetet ofruan një shpërblim prej 500,000 eurosh për informacionin që çonte në rikuperimin e bizhuterive ose arrestimin e hajdutëve.

Në mars, prokurorët dhe policia thanë se kishin gjetur se një Audi S6 qe përdorur në vjedhje.

Ata thanë se besojnë se ishte një i ri që e mori makinën nga shitësi në Magdeburg, një tjetër qytet lindor i Gjermanisë, dhe bënë ??një skicë të një burri të hollë me flokë të errët që besohet të ishte rreth 25 vjeç.

Makina mund të jetë lyer përsëri, thanë autoritetet në atë kohë, duke forcuar dyshimet se vjedhja ishte planifikuar shumë më parë.

Analizat nga hetuesit, bazuar pjesërisht në pamjet video, i çuan ata në përfundimin se të paktën shtatë persona ishin të përfshirë.

© SYRI.net

Lexo edhe:

• Ekspertët e OKB-së dënojnë mbështetjen perëndimore për Izraelin që nga lufta e Gazës
• Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
• Qëndrimet e kandidatëve Trump-Harris për Iranin