BILD
Kina në kurs lufte?
Presidenti kinez, Xi Jinping u bëri thirrje ushtarëve gjatë një vizite në bazën ushtarake në provincën jugore të Guangdong që të përgatiten për luftë me të gjithë fuqinë dhe mendimet e tyre. Sipas tij, ushtria duhet të jetë në gjendje alarm. Jinping u kërkoi ushtarëve që të jenë besnikë, të pastër dhe të besueshëm.
Xi ishte në Guangdong për të mbajtur një fjalim me rastin e 40-vjetorit të krijimit të zonës ekonomike speciale të Shenzhenit.
Megjithatë, vizita vjen në kohën kur tensionet mes SHBA dhe Kinës janë në kulm.
Arsyeja është pandemia e koronavirusit dhe përplasjet për Tajvanin. Këto kanë sjellë një çarje të thellë mes Uashingtonit dhe Pekinit.
Anuloni shitjen e armëve për Tajvanin
Një zëdhënës i Ministrisë së Jashtme të Kinës, Zhao Lijian i bëri thirrje Uashingtonit që të anulojë të gjitha planet për t’i shitur armë Tajvanit dhe për ndërprerjen e të gjitha marrëdhënieve ushtarake mes SHBA dhe Tajvanit.
Shtëpia e Bardhë deklaroi të hënën se do i shesë tre armë të avancuara Tajvanit.
Edhe pse Tajvani nuk është kontrolluar kurrë nga Partia Komuniste e Kinës, Pekini insiston se ishulli demokratik është pjesë e territorit të tyre. Xi vetë nuk e përjashton forcën ushtarake për ta pushtuar nëse do jetë e nevojshme.
© SYRI.net
Kryeministri britanik vizitë në Dublin, në fokus përpjekjet për të forcuar marrëdhëniet mes dy vendeve
'Njëri kërkon ashpërsimin e ligjeve, tjetri premton heqjen e kufizimeve', VOA: Harris dhe Trump me qasje të ndryshme mbi shitjet e armëve
Erdogani bën thirrje për aleancë islamike kundër Izraelit
Denonco
Merrni lajmet më të fundit nga SYRI.net në çdo moment dhe kudo që të jeni!
