Shefi i forcave të armatosura të Pakistanit deklaroi të premten se forcat e tij mbështesin plotësisht qëndrimin e Azerbajxhanit lidhur me konfliktin në Nagorni-Karabak.
Ambasadori Azerbajxhanit në Pakistan, Ali Alizada, u takua me Shefin e Shtabit të Përgjithshëm Gjeneral Nadeem Raza në selinë e Shtabit të Përgjithshëm në qytetin garnizon Raëalpindi, për të diskutuar çështjet me interes dypalësh dhe sigurinë rajonale, sipas një deklarate nga krahu mediatik i ushtrisë për Marrëdhëniet me Publikun (ISPR).
Shefi i forcave ushtarake riafirmoi marrëdhënien vëllazërore midis dy vendeve dhe tha se ajo është e ndërtuar mbi baza të forta.
"Shefi i Shtabit të Përgjithshëm tha se Forcat e Armatosura të Pakistanit mbështesin plotësisht qëndrimin e Azerbajxhanit për Malësinë e Karabakut, i cili është në përputhje me disa rezoluta të miratuara njëzëri të Këshillit të Sigurimit të Kombeve të Bashkuara", sipas ISPR.
Ambasadori falënderoi Raza-n për mbështetjen e Pakistanit për çështjen e drejtë të Azerbajxhanit.
"I kënaqur që thirra gjeneralin Nadeem Raza, Kreun e Shtabit të Përgjithshëm të Pakistanit, dhe që diskutuam mënyrat e forcimit të mëtejshëm të marrëdhënieve dypalëshe dhe ushtarake midis vendeve tona vëllazërore", shkroi ai në Tëitter pas takimit.
Javën e kaluar, Ministria e Jashtme e Pakistanit hodhi poshtë raportet e mediave indiane se Pakistani po lufton së bashku me forcat e Azerbajxhanit kundër Armenisë në Malësinë e Karabakut të okupuar, duke i quajtur këto raportime si "të papërgjegjshme, spekulative dhe të pabaza".
Ministria gjithashtu tha se mbështet qëndrimin e Azerbajxhanit lidhur me Malësinë e Karabakut, i cili është në përputhje me disa rezoluta të miratuara njëzëri të Këshillit të Sigurimit të OKB-së.
© SYRI.net
Zyrtarët amerikanë: Marrëveshja për armëpushim në Gazë nuk arrihet para përfundimit të mandatit të Presidentit Biden
'Allahu Ekber'/ Burri me thikë sulmon kalimtarët në Holandë, një njeri i vdekur
SHBA thirrje për zgjidhje urgjente diplomatike, pas sulmeve të Izraelit ndaj Libanit
Denonco
Merrni lajmet më të fundit nga SYRI.net në çdo moment dhe kudo që të jeni!
