Një nga ilaçet që i është dhënë presidentit amerikan, Donald Trump, gjatë trajtimit për koronavirus është zhvilluar duke përdorur qeliza njerëzore të marra nga një fetus i abortuar.
Ky ilaç është një përzierje e antitrupave monoklonalë, i përgatitur nga kompania “Regeneron”. Kreut të Shtëpisë së Bardhë iu dhanë 8 gramë infuzion me këtë përbërje kur po trajtohej në spital fundjavën e kaluar, shkruan The Guardian, transmeton Gazeta Express.
Qelizat amë, të cilat janë përdorur për zhvillimin e këtij ilaçi, njihen si qeliza HEK-293T, që janë varg qelizash të përdorura në laboratorë. Këto qeliza fillimisht ishin marrë nga një veshkë embrionale pas një aborti të përzgjedhur në Holandë në vitet e shtatëdhjeta.
Ndryshe, presidenti Trump vazhdimisht ka kërkuar që ta kufizojë të drejtën e grave për të abortuar. Hapi i fundit i tij në këtë drejtim ishte nominimi i gjykatëses Amy Coney Barrett për Gjykatën Supreme.
Platforma e vitit 2020 e Partisë Republikane haptazi e kundërshton kërkimin shkencor në lidhje me qelizat embrionale dhe bën thirrje për ndalimin e fondeve për hulumtime shkencore për qelizat amë embrionale.
Zhvillimi i këtij ilaçi nga kompania “Regeneron” është përkrahur nga një grant prej 450 milionë dollarësh nga Autoriteti për Hulumtime dhe Zhvillim të Avancuar Biomjekësor.
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
