Trumpi vendos t’i publikojë dokumentet e hetimeve rreth Rusisë dhe e-mailit të Clintonit

16:13, 07/10/2020

Vendimi i presidentit amerikan, Donald Trump, për autorizimin e deklasifikimit të të gjitha dokumenteve që lidhen me hetimet e profilit të lartë rreth Rusisë dhe me hetimet e FBI-së për përdorimin e serverit privat të adresave elektronike nga Hillary clinton kur ishte sekretare e Shtetit është përshëndetur nga përkrahësit e tij dhe është kundërshtuar nga rivalët.

Kreu i Shtëpisë së Bardhë shkroi në Twitter se dëshiron që të publikohen të gjitha dosjet relevante rreth ish-sekretares së Shtetit, veprimin e së cilës e përshkroi si “krimin më të madh dhe të vetëm politik në historinë e Amerikës”, shkruan Fox News.

Kërkesa e presidentit amerikan për publikimin e këtyre dokumenteve erdhi një ditë pas lirimit nga spitali Walter Reed, ku po trajtohej për koronavirusi. Pas kësaj kërkese pati menjëherë reagime të shumta.

Gjenerali Michael Hayden, ish-drejtor i CIA-s gjatë pushtetit të ish-presidentit George W. Bush, u përplas në Tëitter me Richard Grenellin, ish-amabasor i Shteteve të Bashkuara në Gjermani dhe ish-ushtrues detyre i drejtorit për Siguri Kombëtare.

Grenelli tha se krijimi i temës së lidhjeve mes Trumpit e Rusisë ishte bërë nga administrata e atëhershme për largimin e vëmendjes nga rasti i Hillary Clintonit, kur ajo kishte përdorur server privat të adresave elektronike.

Hayden, i cili edhe në të kaluarën ka folur për Trumpin dhe ka njoftuar se tash e përkrah kandidatin Joe Biden, reagoi ndaj postimit të Grenellit duke e përdorur një fjalë fyese.

All Russia Hoax Scandal information was Declassified by me long ago. Unfortunately for our Country, people have acted very slowly, especially since it is perhaps the biggest political crime in the history of our Country. Act!!!

— Donald J. Trump (@realDonaldTrump) October 7, 2020

 

 

© SYRI.net

Lexo edhe:

• ‘ÇADM’/ Turqia ndërton një nëndetëse për detin Egje, do të përdoret për të shpëtuar anijet
• Shefi i Hezbollahut, Nasrallah: Izraeli ka kaluar të gjitha vijat e kuqe!
• BE: 160 milionë euro për Ukrainën nga pasuritë e bllokuara ruse