Të paktën 16 persona e kanë humbur jetën në aksidente gjatë ditëve të fundit pasi pelegrinët muslimanë u mblodhën për një tubim të madh fetar në Senegalin qendror.
Sipas komandantit të Brigadës Kombëtare të Zjarrit (BNSP), kolonel Sheikh Tine, vdekjet u raportuan si pasojë e gjithsej 113 aksidenteve rrugore, të cilat ndodhën përderisa pelegrinët po drejtoheshin drejt pelegrinazhit vjetor "Grand Magal i Touba-s", një pelegrinazh vjetor fetar i Vëllazërisë Mouride, një nga katër tarikat (porosi islame sufiste) e Senegalit.
Pelegrinët çdo vit mblidhen në Mouride-n e shenjtë të qytetit Touba për të festuar jetën dhe mësimet e Sheikh Amadou Bamba, themeluesit të Vëllazërisë Mouride.
Lidhur me mbulimin e përgjithshëm të sigurisë së ngjarjes, koloneli Tine tha se që nga 3 tetori zyrtarët realizuan "197 ndërhyrje". Ai tha se një person u vra në një lloj tjetër aksidenti, pa dhënë shumë detaje.
Mijëra pelegrinë paraditen e sotme largohen nga Touba pasi ngjarja të përfundojë me një ceremoni zyrtare tradicioanale.
Vitin e kaluar, të paktën 14 pelegrinë humbën jetën në aksidente trafiku derisa shkonin ose ktheheshin nga tubimi.
I mbajtur në ditën e 18-të të muajit të dytë të kalendarit islmaik, "Grand Magal i Touba-s" është tubimi më i madh musliman në Afrikën Perëndimore dhe çdo vit tërheq mbi 3 milionë pelegrinë nga i gjithë rajoni sub-saharian.
Bamba, themeluesi i vëllazërisë, konsiderohet si një nga udhëheqësit më të mëdhenj shpirtërorë në historinë e Senegalit dhe ka ndikim të madh në jetën dhe kulturën bashkëkohore senegaleze.
Ai u internua në Gabon dhe Mauritani për rezistencë ndaj aktiviteteve koloniale dhe misionare franceze në Senegal mbi 125 vite më parë.
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
