Pasi doli nga spitali dhe hoqi maskën në mënyrë demonstrative, presidenti Donald Trump u kërkoi amerikanëve që të mos kenë frikë nga koronavirusi.
Pak më vonë, ai postoi edhe një mesazh në rrjetet sociale, ku deklaron se virusi nuk është aq vdekjeprurës.
“Sezoni i gripit po vjen. Shumë njerëz, çdo vit, ndonjëherë mbi 100 mijë, vdesin nga gripi, pavarësisht vaksinës. A do të mbyllim vendin tonë? Jo, ne duhet të mësojmë të jetojmë me të, siç po mësojmë të jetojmë me Covid, që për shumicën e popullsisë nuk është kaq vdekjeprurës,” shkruan Trump.
Mesazhi i tij u përhap me shpejtësi, por po kaq shpejt reaguan edhe rrjetet sociale.
Facebook e fshiu këtë postim. Kurse Twitter e fshehu pas një paralajmërimi se përhap informacion të pasaktë dhe që mund të sjellë dëme.
Akoma nuk dihet me saktësi se sa është shkalla e vdekshmërisë së koronavirusit në krahasim me gripin. Disa ekspertë sugjerojnë se mund të jetë disa herë më e lartë.
Pasi iu fshi mesazhi, presidenti kujtoi ligjin që thekson se rrjetet sociale nuk janë përgjegjëse për përmbajtjen e postuar nga përdoruesit.
Trump ka në plan që të zhbëjë këtë ligj, duke i ekspozuar në këtë mënyrë kompanitë e medieve sociale përballë padive për përmbajtjen që postohet online.
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
