Qytetarët që protestuan kundër rezultatit të zgjedhjeve parlamentare në Kirgistan, liruan nga burgu ish-presidentin Almazbek Atambayev.
Protestuesit të cilët ‘pushtuan’ presidencën dhe parlamentin pas mesnatës, u drejtuan më pas në drejtim të burgut në Komitetin Shtetëror të Sigurisë Kombëtare në të cilën qëndronte Atambayev, në një distancë të afërt me presidencën.
Pas përleshjeve që ndodhën para Komitetit Shtetëror të Sigurisë Kombëtare dhe pas thyerjes së dyerve protestuesit hynë brenda ndërtesës. Ndërsa më pas zyrtarët nxorrën dhe ia dorëzuan Atambayev-in mbështetësve të tij.
Atambayev i shoqëruar nga turma e njerëzve hipi në një automjet dhe pritet që të mbajë një fjalim para mijëra mbështetësve të tij që e presin në sheshin Ala Too.
Presidenca dhe parlamenti në Kirgistan u pushtuan pas protestave që mbajtën 12 parti që nuk ishin të kënaqura nga rezultatet e zgjedhjeve të zhvilluara të dielën më 4 tetor.
Nga protestat thuhet se janë plagosur mbi 100 policë dhe protestues si pasojë e ndërhyrjes me gaz lotsjellës dhe bomba zhurmuese.
Gjatë këtyre ngjarjeve, ende nuk është bërë ndonjë deklaratë nga presidenti Sooronbay Ceenbekov, kryeministri Kubatbek Boronov dhe kryetari i parlamentit, Dastanbek Cumabekov
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
