Sipas kancelares gjermane Angela Merkel, Bashkimi Evropian dëshiron të zhvillojë dialog konstruktiv dhe një axhendë pozitive me Turqinë.
Ajo i bëri komentet në Bruksel pas samitit dyditor të liderëve të BE-së që u përqendrua në çështjet ndërkombëtare, tensionet e fundit në Mesdheun Lindor dhe lidhjet e ardhshme me Turqinë, raporton Anadolu Agency (AA).
“Patëm diskutim shumë të gjatë, të detajuar në lidhje me marrëdhëniet tona me Turqinë. Ne arritëm në përfundimin se do të donim të hynim në një dialog konstruktiv me Turqinë, ne duam të kemi një axhendë pozitive”, tha ajo, duke shtuar se samiti ka hapur një “dritare mundësie” për bashkëpunim më të ngushtë me Ankaranë zyrtare.
Merkel riafirmoi solidaritetin e BE-së me anëtarët e saj Greqinë dhe administratën greke qipriote pas tensioneve të fundit në rajon, por gjithashtu nënvizoi se blloku dëshiron të shohë një zgjidhje diplomatike të këtyre mosmarrëveshjeve dhe dëshiron marrëdhënie të mira me Turqinë.
Kancelarja gjermane tha se bisedimet për bashkëpunim më të ngushtë midis BE-së dhe Turqisë në muajt e ardhshëm do të përqendrohen në deklaratën BE-Turqi të vitit 2016, çështjet e migrimit, tregtinë, modernizimin e Bashkimit Doganor dhe liberalizimin e vizave.
© SYRI.net
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Iu sekuestrua drogë me vlerë 600 mijë £, arrestohet ish-sulmuesi i Arsenal
Denonco
Merrni lajmet më të fundit nga SYRI.net në çdo moment dhe kudo që të jeni!
