Një çift me avionë Boeing E-6B Mercury u pikas duke fluturuar në brigjet amerikane pikërisht në kohën kur presidenti Donald Trump shpalli se është infektuar me koronavirus bashkë me Zonjën e Parë.
Sipas Fox News, Pentagoni dhe Komanda Strategjike Amerikane nuk kanë komentuar menjëherë.
Por spekulimet online janë ndezur.
Kjo pasi avionët E-6 përdoren nga qeveria për të përcjellë udhëzime te flota e nëndetëseve balistike që SHBA ka në mbarë botën. Këto nëndetëse mund të hedhin raketa balistike bërthamore.
Avionët janë pjesë e Komandës Ajrore dhe përdoren për të komanduar dhe kontrolluar fuqinë bërthamore amerikane nëse shkatërrohet ose bëhet e paoperueshme ndonjë qendër komande tokësore.
Pati spekulime se komanda ajrore ka dalë në fluturim si paralajmërim për armiqtë e Amerikës pasi doli lajmi se Trump është infektuar nga koronavirusi i ri.
© SYRI.net