Taipei - Nuk ka shenja që Kina po përgatitet për luftë të gjithanshme me Tajvanin, shenja si grumbullimi i trupave përgjatë bregdetit të saj lindor, tha të martën shefi i mbrojtjes i Tajvanit, pas stërvitjeve të përsëritura kineze pranë ishullit që Kina e pretendon si të sajën .
Tajvani demokratik i ka denoncuar manovrat e Kinës, përfshirë avionët luftarakë fluturues mbi vijën e ndjeshme të mesit të ngushticës së Tajvanit, si një përpjekje për frikësim.
"Komunistët kinezë i kanë vazhduar aktet e tyre të provokimit kundër Tajvanit, por aktualisht nuk ka asnjë shenjë që tregon se është gati të fillojë një luftë në shkallë të parë," i tha parlamentit Ministri i Mbrojtjes Yen De-fa.
Një shenjë e një sulmi të afërt do të ishte nëse trupat nga pjesët e brendshme të Kinës do të fillonin të grumbulloheshin përgjatë lindjes së saj, por nuk ka indikacione që po ndodhin, shtoi ai.
Vetë forcat e Tajvanit po ruajnë gatishmërinë luftarake në kohë paqeje dhe nuk e kanë rritur statusin e tyre të gatishmërisë, tha Yen. Sidoqoftë ai u zotua për një luftë deri tek njeriu i fundit për të mbrojtur sovranitetin dhe demokracinë e ishullit.
Javën e kaluar, në një paralajmërim të dukshëm për Kinën, Ministria e Mbrojtjes tha se forcat e armatosura të Tajvanit kanë të drejtën e vetëmbrojtjes dhe kundërsulmit pas "ngacmimeve dhe kërcënimeve".
Ushtria e Tajvanit është e armatosur mirë dhe e trajnuar mirë, por jo si Kina që vazhdon të shtojë pajisje të reja lufte.
Kryeministri Su Tseng-chang, gjithashtu duke folur në parlament, tha se sulmuesve do t’ju duhet të paguajnë një çmim të rëndë sepse njerëzit e Tajvanit do ta mbronin me këmbëngulje veten dhe tokën e tyre.
© SYRI.net
Finlanda e mbron vendimin për të blerë armë izraelite, mosnjohjen e shtetit palestinez
Qeveria gjermane do të 'ngrijë' eksportet e armëve për Izraelin
Turqi/ Realizohet me sukses ndarja e binjakeve siameze të ngjitura në kokë
Denonco
Merrni lajmet më të fundit nga SYRI.net në çdo moment dhe kudo që të jeni!
