Presidenti i Turqisë, Rexhep Erdogan, të dielën i bëri thirrje popullit armen që ta marrë të ardhmen e vet në dorë duke dalë kundër, siç tha ai, udhëheqësisë që po i çon në katastrofë, pas përleshjes së armatosur mes Armenisë dhe Azerbajxhanit.
“Përderisa i bëj thirrje popullit armen ta marrë në duar të ardhmen e vet kundër udhëheqësisë që po i çon në katastrofë dhe që po i përdorin si kukulla, ne gjithashtu i bëjmë thirrje botës që të qëndrojnë me Azerbajxhanin në betejën e tyre kundër pushtimit dhe mizorisë”, shkroi Erdogani në Twitter.
Ai gjithashtu tha se Turqia do të vazhdojë ta rrisë solidaritetin me Azerbajxhanin, shkruan Reuters.
Armenia të dielën e shpalli gjendjen e luftës dhe e mobilizoi popullsinë e gjinisë mashkullore pas përleshjeve vdekjeprurëse me vendin fqinj.
Turqia i dënoi veprimet e Armenisë, duke i cilësuar ato si provokime kundër Azerbajxhanit.
Armenia dhe Azerbajxhani kanë një konflikt të pazgjidhur rreth rajonit të kontestuar të Nagorno-Karabakut, i cili ndërkombëtarisht njihet si territor i Azerbajxhanit, por që është nën kontrollin e armenëve
© SYRI.net
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Iu sekuestrua drogë me vlerë 600 mijë £, arrestohet ish-sulmuesi i Arsenal
Denonco
Merrni lajmet më të fundit nga SYRI.net në çdo moment dhe kudo që të jeni!
