Revista prestigjioze amerikane Scientific American ka mbështetur për herë të parë pas 175 viteve një kandidat në zgjedhjet presidenciale të SH.B.A.
Shkëputja nga tradita e gjatë e saj erdhi pas mbështetjes për të nominuarin e partisë Demokratike, Joe Biden .
Një pjesë e botuar në edicionin e tetorit, bordi editorial shkruan:
“Shembulli më shkatërrues është përgjigjja e tij e pandershme dhe e pahijshme ndaj pandemisë Covid-19, e cila kushtoi më shumë se 190,000 amerikanë jetën e tyre nga mesi i shtatorit. Ai gjithashtu ka sulmuar mbrojtjen e mjedisit, kujdesin mjekësor, studiuesit dhe agjencitë shkencore publike që e ndihmojnë këtë vend të përgatitet për sfidat e tij më të mëdha.”
Ata vazhdojnë duke thënë se presidenti "në mënyrë të përsëritur gënjeu publikun për kërcënimin vdekjeprurës të sëmundjes" dhe se nuk mbështeste mbajtjen e maskave - një strategji që ata thonë se nuk do të dëmtonte askënd - mund të kishte shpëtuar mijëra jetë në SH.B.A.
© SYRI.net