Kandidati për president të Shteteve të Bashkuara, Joe Biden, tha se nëse zgjidhet në krye të Shtëpisë së Bardhë, ai do të mbajë një prani të vogël të trupave në Afganistan dhe Irak, për të ndihmuar në luftimin e terrorizmit.
Biden tha se e mbështet reduktimin e trupave, por shtoi se SHBA-ja duhet të shqetësohet edhe për terrorizmin dhe grupin militant, Shteti Islamik.
Ai i bëri komentet në një intervistë për gazetën ushtarake amerikane “Stars and Stripes”.
“Unë mendoj se kemi nevojë për kapacitete të veçanta, për t’u koordinuar me aleatët tanë”, tha Biden, duke shtuar se ai parashikon 1,500 deri në 2,000 trupa si numër maksimal.
Ai po ashtu tha se ushtria amerikane nuk duhet të ndërhyjë në çështjet politike të vendeve ku ka trupa.
Ajo duhet të koordinohet me aleatët për të trajnuar dhe për të udhëhequr në “çrrënjosjen e grupeve terroriste, që do të vazhdojnë të shfaqen”, tha Biden.
Këtë javë, Pentagoni njoftoi se trupat amerikane në Irak do të reduktohen nga mbi 5,000 në rreth 3,000, këtë muaj.
Presidenti amerikan, Donald Trump, po ashtu ka thënë se do të zvogëlojë numrin e trupave amerikane në Afganistan nga 8,000 në 4,000-5,000, deri në ditën e zgjedhjeve në SHBA, më 3 nëntor.
Biden po ashtu tha se nuk planifikon ta shkurtojë buxhetin e mbrojtjes në SHBA, përballë kërcënimeve të mundshme nga vendet, si: Rusia dhe Kina.
© SYRI.net
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Iu sekuestrua drogë me vlerë 600 mijë £, arrestohet ish-sulmuesi i Arsenal
Denonco
Merrni lajmet më të fundit nga SYRI.net në çdo moment dhe kudo që të jeni!
