Presidenti i SHBA Donald Trump e dinte se koronavirusi ishte “vdekjeprurës” dhe më i keq se gripi i zakonshëm ndërsa mashtroi qëllimisht publikun amerikan në shkurt dhe mars në lidhje me rreziqet, sipas një libri të ardhshëm nga gazetari amerikan Bob Woodward.
Trump tha në një bisedë të regjistruar me Woodward se ai kishte minimizuar rreziqet e koronavirusit gjatë gjithë kohës sepse ai nuk donte të shkaktonte panik, sipas një raporti në ‘The Washington Post’.
“Marr frymë thellë, ashtu e kaloj një situatë të tillë”, tha presidenti gjatë një telefonate më 7 shkurt. “Kemi të bëjmë me një situatë shumë problematike. Kjo është sëmundje më vdekjeprurëse se gripi i rëndë”.
“Ky është virus vdekjeprurës”, kishte përsëritur presidenti.
Kur virusi filloi të përhapej nga Kina nëpër vende të tjera, këshilltari për sigurinë kombëtare Robert O’Brien i tha presidentit në një mbledhje në Shtëpinë e Bardhë më 28 janar: “Ky do të jetë kërcënimi më i madh për sigurinë kombëtare që do të ndeshni në presidencën tuaj,” shkruan gazetari në librin e tij “Rage” — “Zemërim”.
“Kjo do të jetë gjëja më e ashpër me të cilën përballeni,” i tha O’Brien Trump.
Pas paralajmërimeve të përsëritura të inteligjencës, Trump minimizoi kërcënimin e virusit në publik gjatë shkurtit dhe nuk dha një alarm publik për rrezikun për SHBA.
“Ne pothuajse e mbyllëm atë duke mos e lejuar të vijë nga Kina,” i tha Trump drejtuesit të Fox News Sean Hannity më 2 shkurt.
Kritikët argumentojnë përgjigjen e ngadaltë të presidentit dhe dështimin për të zhvilluar një strategji kombëtare për të luftuar virusin ka rezultuar në më shumë vdekje sesa është e nevojshme dhe dëmtime të vazhdueshme ekonomike nga pandemia.
SHBA kanë pësuar më shumë se 190,000 vdekje dhe regjistruan më shumë se 6.3 milion raste të COVID-19, sipas Universitetit Johns Hopkins.
“Ai e dinte sa vdekjeprurës ishte. Ishte shumë më vdekjeprurës se gripi … Ai e dinte dhe me qëllim e shuajti atë. Më keq, ai gënjeu popullin amerikan. Ai me vetëdije dhe me dëshirë gënjeu për kërcënimin që i kanosej vendit për muaj të tërë “, tha Biden gjatë një takimi fushate në Warren, Michigan të Mërkurën.
Kryetari i Dhomës së Përfaqësuesve Nancy Pelosi tha në një deklaratë: “Fjalët e vetë Presidentit tregojnë të vërtetën shkatërruese: Trump ishte plotësisht i vetëdijshëm për natyrën katastrofike të koronavirusit, por fshehu faktet dhe refuzoi të merrte seriozisht kërcënimin, duke lënë të gjithë vendin tonë të ekspozuar dhe të papërgatitur “.
Lajmi për regjistrimet audio të Woodward të presidentit u bë virale të Mërkurën me #TrumpKneë hashtag numër një në trend në Twitter në të gjithë botën në më shumë se 615,000 ‘cicërima’.
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
