Nuk ka paqe për Barcelonën. Hansi Flick nuk pati kohë të shijonte rikthimin e Frenkie de Jong, sepse skuadra e tij humbi sërish një lojtar për arsye fizike.

Ferran Torres, i dëmtuar gjatë ndeshjes së djeshme kundër Alaves, mund të mungojë për 5-6 javë.

Ky është njoftimi për shtyp i Barcelonës:

"Testet e bëra mëngjesin e sotëm nga Ferran Torres konfirmuan se ai pësoi një dëmtim muskulor në bicepsin e kofshës së djathtë. Koha e kthimit të tij në stërvitje do të varet nga evolucioni i tij".

Ish-lojtari i Manchester City-t do të detyrohet të mungojë edhe në angazhimet me kombëtaren spanjolle.