Harry Kane është sulmuar nga tabloidi gjerman “Bild”, i cili ka vënë në pikëpyetje rekordin e tij në ndeshjet e mëdha pasi Bayerni Barazoi 1-1 me Bayer Leverkusen këtë fundjavë.

Kane ka qenë në formë të bujshme në fillim të këtij sezoni, duke shënuar 10 gola në shtatë paraqitje për klubin e tij, por nuk mundi të gjente rrjetën kundër Leverkusenit.

“Bild” ka bërë një "gjetje" për Kane, duke theksuar se sulmuesi anglez nuk është efikas në ndeshje të mëdha.

Në një artikull të shkruar nën titullin: "E vërteta e hidhur e Kane", redaktori sportiv i “Bild”, Walter Straten, shkroi:

"Shumë përpjekje, shumë pak sukses. Harry Kane qëndron i vetëm përpara. Çfarë dobie kanë tre golat kundër Kielit nëse ai nuk shënon as edhe një goditje në portë në një ndeshje të madhe?

Kapiteni i Anglisë pësoi një goditje të dhimbshme në kyçin e këmbës në ndeshje dhe tani është një shqetësim përpara udhëtimit të Bayernit për të luajtur kundër Aston Villas në Ligën e Kampionëve, të mërkurën.

Vincent Kompany, trajneri i Bayernit, tha pas barazimit me Leverkusenin se shpresonte që Kane të ishte i aftë për takimin me “Villans”.

"Shpresojmë se nuk është asgjë serioze," tha Kompany. “Unë nuk jam mjek, por shpresoj se ai mund të luajë kundër Aston Villa të mërkurën”.

Në një përditësim të postuar në faqen e internetit të Bayernit në fundjavë, klubi zbuloi se ekzaminimet fillestare nga ekipi mjekësor i klubit kishin "përcaktuar një zhvillim pozitiv" me kyçin e këmbës së Kane dhe tha se 31-vjeçari do të vazhdojë të marrë trajtim.

Kane ka shënuar 54 gola në 52 ndeshje për Bayernin që kur iu bashkua klubit nga Tottenham Hotspur verën e kaluar dhe së fundmi arriti në 50 gola në Bundesligë në vetëm 35 ndeshje, duke thyer një rekord të mbajtur më parë nga Erling Haaland.