Wayne Rooney, legjendë e Manchester United, ishte në qendër të vëmendjes teksa shikonte ndeshjen Manchester United-Tottenham të dielën. Ra në sy qëndrimi i tij i heshtur, i motivuar pa dyshim nga humbja 0-3.

Një imazh i Rooney-t në tribuna, i veshur me një xhaketë të zezë, është shpërndarë nga “Sky Sports” në “X” dhe disa përdorues nuk kanë hezituar t'i rekomandojnë atij të ketë kujdes.

Wayne Rooney watches on 👀 pic.twitter.com/vAcr5LxdQl

— Sky Sports Premier League (@SkySportsPL) September 29, 2024

"Ai duket keq," shkroi një përdorues; "Rooney duket më i vjetër se vitet e tij," shtoi një tjetër, "ai duhet të kujdeset për veten."

Ish-sulmuesi 38-vjeçar ishte subjekt i disa komenteve në internet, të cilat nxirrnin në pah pamjen e lodhur të trajnerit tashmë të Plymouth Argyle, në Championship, në jug të Anglisë.

Dikush mendoi ta “godiste” me fort ish-sulmuesin e “Djajve të kuq”, duke e krahasuar me Cristiano Ronaldon, që është dy vite më i madh se ai në moshë, por me fizik për t’u admiruar.

Ronaldo à 39 ans. Ronney à 38 ans pic.twitter.com/39aj39DhhJ

— 𝑪𝒉𝒍𝒆𝒖𝒉𝒊𝒏𝒊𝒉𝒐 🇩🇪 (@212_portgas) October 1, 2024