Fillimi i sezonit të Barcelonës ka qenë fenomenal me shtatë fitore, në po aq ndeshje në La Liga.

Suksesi i skuadrës, s'ka nevojë të thuhet, gjithashtu qëndron në themel të disa yjeve individualë që kanë qenë fenomenalë në sistemin e ri, njëri prej të cilëve është Robert Lewandowski.

Sulmuesi polak ka shënuar shtatë gola në po aq ndeshje këtë sezon dhe është në krye në garën e Pichichi në fillim të sezonit. Vetëm Ayoze Perez me 6 gola dhe Raphinha dhe Kylian Mbappe me pesë gola mund të pretendojnë të jenë afër.

Duke folur për mediat në një intervistë të fundit, sulmuesi i Barcelonës dha lëvdata të mëdha për fenomenin e ri të skuadrës Lamine Yamal dhe nuk u përmbajt duke e cilësuar si një nga më të mirët. 

“Lamine Yamal është anësori më i mirë në botë”.

“Një karrierë futbolli është kaq e gjatë, ndonjëherë nuk është e rëndësishme se si e filloni.

“ Ajo që është më e rëndësishme është se si do të përfundoni apo si do të jenë vitet e ardhshme . Dhe në 15 vitet e ardhshme, ai do të jetë 32, dhe sigurisht që do jetë përsëi ndër më të mirët”, tha ai kur u pyet nëse Yamal mund të bëhet më i miri në botë.

Me tre gola dhe pesë asistime tashmë në La Liga, 17-vjeçari ka qenë një nga lojtarët më mbresëlënës të ligës deri më tani dhe është nominuar si lojtari i muajit për shtator .

Pasi ka hapur llogarinë e tij edhe në UEFA Champions League, Yamal duket i gatshëm për lartësi të mëdha këtë sezon.