Nicky Butt ka dhënë një intervistë për radion TalkSPORT, ku ka kujtuar kohët kur ai ishte shok skuadre me Cristiano Ronaldon në fillimet e karrierës së tij te Man United, duke treguar se ka portugezi merrte shpesh kritika nga lojtarët me më shumë përvojë për sjelljen e tij në stërvitje.

 “Nuk ishte më i miri kur isha atje, sepse kishte shumë të meta të vogla me të cilat duhej të merresha. Driblime, shumë zhytje. Më kujtohet se e keqtrajtonin në stërvitje sa herë ishte mes profesionistëve më me përvojë. “Çohu. Mos e bëj këtë. Nuk mund të simulosh kurrë në këtë klub futbolli”, ka shpjeguar Butt, para se të fliste për transformimin e tij si futbollist.

“E dija se ai kishte talentin për të arritur. Sipas mendimit tim, duhet të jesh një qenie njerëzore që të jesh top-lojtar”, tha ai, duke folur më pas për momentin kur kuptoi se ishte kandidat për Topin e Artë.

“Isha te Neëcastle. E pashë ndeshjen me Fulhamin. Ishte një lojë e vështirë, por ai mori përsipër lojën, duke dribluar rreth tetë lojtarëve. Ne menduam: “Uau, ai ka shkuar në nivelin tjetër.” Pikërisht në atë kohë mendova se ishte një nga më të mirët në botë”, përfundon Nicky Butt.